ఆధార్(UID) లాక్ & అన్‌లాక్ ఫీచర్ అంటే ఏమిటి...?
aadhaar biometric unlock online
unlock aadhaar online
aadhaar lock/unlock
lock/unlock biometric
aadhaar biometric lock
uidai
unlock aadhaar biometric
By
Vaasthava Nestham
- ఆధార్ లాక్ అండ్ అన్‌లాక్ చేసే ప్రాసెస్ ఇదే..!!
ప్రతి సంక్షేమ పథకం యొక్క లబ్ధి పొందాలి అంటే అదేవిధంగా దేశ పౌరసత్వాన్ని గుర్తించడానికి ఆధార్ కార్డ్ చాలా ముఖ్యమైనదిగా మారింది. ప్రభుత్వ పనులతో పాటు ప్రభుత్వేతర పనులకు కూడా ఆధార్ కార్డు బాగా వినియోగిస్తున్నారు. అయితే, పౌరసత్వం లేదా గుర్తింపును వ్యక్తీకరించడానికి దీనిని ఉపయోగిస్తారు. అటువంటి పరిస్థితిలో మన ఆధార్ కార్డు దుర్వినియోగం కాకుండా, మనకు తెలియకుండా ఇతరులు వాడకుండా ఉండేందుకు మనం జాగ్రత్తలు తీసుకోవడం తప్పనిసరి.
ఆధార్ కార్డ్ భద్రత కోసం..భారత విశిష్ట గుర్తింపు ప్రాధికార సంస్థ (UIDAI) లాక్-అన్‌లాక్ ఫీచర్‌ను (ఆధార్ లాక్ & అన్‌లాక్ ఫీచర్స్) అందుబాటులోకి తెచ్చింది. ఈ ఫీచర్‌ని ఉపయోగించడం ద్వారా మీరు మీ ఆధార్ కార్డ్‌ని లాక్ చేయవచ్చు. ఈ ఈ ఫీచర్‌ని వినియోగించుకొని ఆధార్ కార్డు ఆధార్ లాక్-అన్‌లాక్ చేయడం వలన ప్రయోజనాలు ఏంటో ఇప్పుడు తెలుసుకుందాం...
ఆధార్ కార్డు భద్రత ఎందుకు ముఖ్యం..?
మనం ఆధార్ కార్డు తయారు చేసేటపుడు వేలిముద్ర, ఐరిస్ స్కాన్ వంటి బయోమెట్రిక్ వివరాలను అందించాలి. ఈ వివరాలన్నింటినీ భద్రపరచడం చాలా ముఖ్యం. కాగా, వాటిని భద్రపరచకపోతే మనం మోసం చేసే ప్రమాదం ఉంది. అటువంటి పరిస్థితిలో UIDAI ఆధార్ హోల్డర్లకు వారి బయోమెట్రిక్ వివరాలను లాక్ చేసే సదుపాయాన్ని కల్పించింది. తద్వారా ఇతర వ్యక్తులు ఆధార్ కార్డును ఉపయోగించలేరు.
ఆధార్ లాక్-అన్‌లాక్ చేయడం వలన ప్రయోజనాలు..
ఆధార్ లాక్-అన్‌లాక్ ఫీచర్ అతిపెద్ద ఫీచర్ ఏమిటంటే..ఆధార్ హోల్డర్‌ల అనుమతి లేకుండా ఇతర వ్యక్తులు బయోమెట్రిక్‌ను ఉపయోగించలేరు. బయోమెట్రిక్ వివరాలను ఉపయోగించాల్సి వస్తే ముందుగా ఆధార్ కార్డును అన్‌లాక్ చేయాల్సి ఉంటుంది. ఈ ఫీచర్‌ని ఉపయోగించడానికి మీరు తప్పనిసరిగా రిజిస్టర్డ్ నంబర్‌ని కలిగి ఉండాలి.
ఆధార్‌ను ఎలా లాక్ చేయాలి..?
👉 ముందుగా మీరు UIDAI అధికారిక వెబ్‌సైట్ (www.uidai.gov.in)కి వెళ్లాలి.
👉 ఇప్పుడు మీరు ‘మై ఆధార్’ ట్యాబ్‌ని ఎంచుకుని, ‘లాక్/అన్‌లాక్ బయోమెట్రిక్’ ఎంపికను ఎంచుకోవాలి.
👉 దీని తర్వాత మీరు స్క్రీన్‌పై కనిపించే టిక్ బాక్స్‌ను ఎంచుకోవాలి. టిక్ బాక్స్‌లో “ఒకసారి బయోమెట్రిక్ లాక్ ప్రారంభించబడితే..బయోమెట్రిక్‌ను అన్‌లాక్ చేసే వరకు బయోమెట్రిక్ ప్రమాణీకరణ చేయబడదు.
👉 దీని తర్వాత ‘లాక్/అన్‌లాక్ బయోమెట్రిక్’పై క్లిక్ చేయండి.
👉 ఇప్పుడు మీ ఆధార్ నంబర్ మరియు క్యాప్చా కోడ్‌ను పూరించండి. ఆ తర్వాత OTP ఎంపికను ఎంచుకోండి.
👉 OTPని నమోదు చేసిన తర్వాత..మీరు ‘లాకింగ్ ఫీచర్‌ను ప్రారంభించు’ని ఎంచుకోవాలి.
👉 దీని తర్వాత ఆధార్ కార్డు బయోమెట్రిక్ వివరాలు లాక్ చేయబడతాయి.
ఆధార్ బయోమెట్రిక్ అన్‌లాక్ చేయడం ఎలా?
👉 ముందుగా UIDAI అధికారిక వెబ్‌సైట్ (www.uidai.gov.in)కి వెళ్లండి.
👉 ఇప్పుడు ‘మై ఆధార్’ ట్యాబ్‌లో ఉన్న ‘లాక్/అన్‌లాక్ బయోమెట్రిక్’ ఎంపికను ఎంచుకోండి.
👉 ఇప్పుడు ఆధార్ నంబర్ మరియు క్యాప్చా నింపి OTPని ఎంచుకోండి. ఆ తర్వాత మీరు ‘అన్‌లాక్ బయోమెట్రిక్’ని ఎంచుకోవాలి.
👉 కొన్ని నిమిషాల తర్వాత మీ ఆధార్ కార్డ్ బయోమెట్రిక్ వివరాలు అన్‌లాక్ చేయబడతాయి. ఆధార్ లాక్ అండ్ లాక్ చేయడం వలన ఆధార్ కార్డు యొక్క బయోమెట్రిక్ దుర్వినియోగం కాకుండా సేఫ్ గా ఉంటుంది.
Comments