మనకు తెలిసిన పెట్టుబడి మార్గాలలో స్టాక్ మార్కెట్ (Share Market) ఒక ప్రత్యేకమైనది. ఇక్కడ మనం మన దగ్గర ఉన్న డబ్బుతో ఏదైనా కంపెనీకి సంబంధించిన షేర్లు (Shares) కొనుగోలు చేస్తాం. అంటే ఆ కంపెనీలో మనకు కూడా ఒక చిన్న వాటా ఉందని అర్థం. ఒకవేళ ఆ కంపెనీ లాభాలు సాధిస్తే — మనకు కూడా లాభం వస్తుంది.
అలాగే కంపెనీకి నష్టం వచ్చినప్పుడు — మన పెట్టుబడికి కూడా ప్రభావం పడుతుంది. ఇది కొంత రిస్క్ ఉన్న పెట్టుబడి విధానం, అయినా సరే ఇతర పెట్టుబడుల కంటే ఎక్కువ రాబడిని ఇవ్వగలదని నిపుణులు చెబుతున్నారు.
Stock Market | షేర్ మార్కెట్ ద్వారా వచ్చే రాబడి ఎంత?
మంచి కంపెనీల షేర్లలో పెట్టుబడి పెడితే, సగటున సంవత్సరానికి 15% – 20% వరకు రాబడి పొందవచ్చు. దీర్ఘకాలం పెట్టుబడి కొనసాగిస్తే కొన్ని సందర్భాల్లో పెట్టిన డబ్బు రెట్టింపు, మూడింతలు అయ్యే అవకాశమూ ఉంటుంది. కానీ, సరైన షేర్లు ఎంపిక చేయడం, అవగాహనతో పెట్టుబడి పెట్టడం, ఓపికతో ఉండడం చాలా అవసరం.
Wipro company | ఉదాహరణ – విప్రో కంపెనీ విజయం :
1980లో ఎవరైనా ₹10,000ను విప్రో (Wipro) కంపెనీలో పెట్టుబడి పెట్టి ఆ పెట్టుబడిని సుమారు 34 సంవత్సరాలు (2014 వరకు) కొనసాగించి ఆ పెట్టుబడి విలువ ₹535 కోట్లకు పైగా పెరిగింది.
ఇది ఎలా జరిగింది?
1980లో విప్రో షేర్ ధర ₹100 ఉండేది. 100 షేర్లు కొంటే = ₹10,000 పెట్టుబడి. తర్వాతి సంవత్సరాల్లో కంపెనీ పలు బోనస్ షేర్లు (Bonus Shares), స్టాక్ స్ప్లిట్లు (Stock Splits) ప్రకటించింది. దాంతో 100 షేర్లు క్రమంగా 96 లక్షల షేర్లుగా మారాయి.
2014 నాటికి ఒక్కో షేర్ ధర ₹557. మొత్తం విలువ: ₹557 × 96,00,000 = ₹534.72 కోట్లు. ఇది ఒక అద్భుతమైన ఉదాహరణ — దీర్ఘకాల పెట్టుబడి యొక్క శక్తిని చూపిస్తుంది.
ఇలాంటి విజయాల వెనుక సూత్రం : మంచి కంపెనీలను ఎంచుకోవడం. దీర్ఘకాలం పాటు పెట్టుబడి కొనసాగించడం. మార్కెట్ మార్పులను అర్థం చేసుకోవడం. భయంతో విక్రయించకుండా ఓపికతో ఉండడం.
మరిన్ని ఇలాంటి ఉదాహరణలు : Reliance, Cipla, Titan, Dr. Reddy’s Labs వంటి భారతీయ కంపెనీలు కూడా దీర్ఘకాల పెట్టుబడిదారులకు అద్భుతమైన రాబడులు ఇచ్చాయి.
స్టాక్ మార్కెట్ లో లాభాలు పెద్దవిగా ఉన్నప్పటికీ, జ్ఞానం మరియు ఓపిక లేకపోతే నష్టాలు తప్పవు. కాబట్టి, నిపుణుల సలహా తీసుకుంటూ, క్రమబద్ధమైన విధంగా పెట్టుబడి పెట్టడం ఉత్తమ మార్గం. దీర్ఘకాల దృష్టితో పెట్టుబడి పెడితే – స్టాక్ మార్కెట్ మన జీవితాన్ని మార్చగలదు.
🔴 తాజా వార్తలు, బ్రేకింగ్ అప్డేట్స్ కోసం మా వాట్సాప్ ఛానల్లో వెంటనే చేరండి!