యువత చెడు వ్యసనాలకు దూరంగా ఉండాలి

వాస్తవ నేస్తం,అనంతగిరి: పట్టణంలోని సనా ఇంజనీరిగ్ కళాశాలలో అనంతగిరి మడలం ఎస్సై అనిల్ రెడ్డి సైబర్ నేరాలు, సోషల్ మీడియా, డ్రగ్స్ మత్తు మందులు, గంజాయి నిషేధం పైన అవగాహన కార్యక్రమాన్ని ఏర్పాటు చేశారు. ఈ సందర్భంగా ఎస్సై మాట్లాడుతూ.. మహిళలు, పిల్లల భద్రత గురించి, పోలీస్ కళాబృందం ద్వారా అవగాహన కార్యక్రమాన్ని ఏర్పాటు చేయడం జరిగిందన్నారు. పోలీస్ కళాబృందం చేత  సోషల్ మీడియా, ఓటిపి ఫ్రాడ్స్, సైబర్ నేరాల గురించి,  టోల్ ఫ్రీ నెంబర్ 1930  24/7 పోలీసులు అందుబాటులో ఉంటారన్నారు. సెల్ ఫోన్ వలన కలిగే అనర్ధాల గురించి, షీ టీమ్స్, మహిళల భద్రత, పిల్లల పైన సోషల్ మీడియా ప్రభావం, విద్యార్థులు చెడు వ్యసనాల బారిన పడకుండా జాగ్రత్తలు తీసుకోవాలన్నారు. ఎటువంటి ఏ విధమైన అనర్ధాలు జరిగితే వెంటనే  1930 టోల్ ఫ్రీ నెంబర్ కి కాల్ చేసి తెలియపరచాలని అన్నారు. ఆట, పాటల లో ముందుకు ఉండాలని అన్నారు. ఈ కార్యక్రమంలో సనా కాలేజీ ప్రిన్సపల్ డాక్టర్ నాగప్రసాద్, హెడ్ కానిస్టేబుల్ అజయ్ కుమార్, హెడ్ కానిస్టేబుల్ కుంభం శ్రీను, కానిస్టేబుల్, ప్రతాప్ రెడ్డి, రవీంద్ర నాథ్, ఉపాధ్యాయుని ఉపాధ్యాయులు, కళాబృందం ఇంచార్జ్ యల్లయ్య, గోపయ్య, చారి, నాగార్జున, విద్యార్థినీ విద్యార్థులు పాల్గొన్నారు.