వాస్తవ నేస్తం,వెబ్ డెస్క్: అంతర్జాతీయ రాజకీయ పరిణామాలు మరోసారి మార్కెట్లను కుదిపేశాయి. అమెరికా అధ్యక్షుడు డొనాల్డ్ ట్రంప్ తాజా వ్యాఖ్యలతో గ్లోబల్ స్థాయిలో అనిశ్చితి నెలకొంది. ఈ ప్రభావంతో ఇన్వెస్టర్లు సురక్షిత పెట్టుబడులవైపు మొగ్గు చూపుతుండటంతో బంగారం, వెండి ధరలు ఒక్కసారిగా భారీగా పెరిగాయి.
ట్రంప్ వ్యాఖ్యలతో పెరిగిన అంతర్జాతీయ ఉద్రిక్తత
ఒకవైపు భారత ప్రధాని నరేంద్ర మోదీపై ప్రశంసలు కురిపిస్తూనే, మరోవైపు రష్యా నుంచి చమురు దిగుమతులు కొనసాగిస్తే భారత్పై మరిన్ని టారిఫ్స్ విధిస్తామని ట్రంప్ హెచ్చరించారు. ఇప్పటికే రష్యా చమురు వాణిజ్యం కారణంగా భారత్పై దిగుమతి సుంకాలు 25 శాతం నుంచి 50 శాతానికి పెరిగాయి. ఇప్పుడు మళ్లీ పెంచుతామని చేసిన వ్యాఖ్యలు మార్కెట్లలో ఆందోళన కలిగిస్తున్నాయి.
అంతర్జాతీయ మార్కెట్లో బంగారం – వెండి ధరలు
- స్పాట్ గోల్డ్: ఔన్సుకు $4,450 దాటింది
- మునుపటి స్థాయి: $4,320
- ఒక్కరోజులో పెరుగుదల: $120కి పైగా
- స్పాట్ సిల్వర్: ఔన్సుకు $77 మార్క్ దాటింది
ఇదే సమయంలో డాలర్తో పోలిస్తే రూపాయి మారకం విలువ మరింత బలహీనపడి ప్రస్తుతం ₹90.28 వద్ద ట్రేడవుతోంది. ఇది దేశీయ బంగారం ధరలపై ప్రత్యక్ష ప్రభావం చూపిస్తోంది.
హైదరాబాద్లో ఇవాళ గోల్డ్ రేట్లు
బంగారం ధరలు :
- 22 క్యారెట్ల బంగారం (తులం): ₹1,26,700
- ఒక్కరోజులో పెరిగింది: ₹2,200
- 24 క్యారెట్ల బంగారం (10 గ్రాములు): ₹1,38,220
- ఒక్కరోజులో పెరిగింది: ₹2,400
వెండి ధరలు :
- సిల్వర్ ధర (1 కేజీ): ₹2.65 లక్షలు
- ఒక్కరోజులో పెరుగుదల: ₹8,000
గతేడాది డిసెంబర్ చివర్లో వెండి ధరలు ఒక్కసారిగా ₹28,000 వరకు పడిపోయినప్పటికీ, తాజా అనిశ్చితి కారణంగా మళ్లీ గరిష్ఠాల దిశగా పయనిస్తున్నాయి. డిసెంబర్ 27న వెండి ధర కేజీకి ₹2.85 లక్షలు నమోదు చేసి ఆల్టైమ్ హైని తాకింది.
ప్రస్తుత పరిస్థితుల్లో అంతర్జాతీయ రాజకీయాలు, ట్రంప్ టారిఫ్స్ హెచ్చరికలు, డాలర్-రూపాయి మారకం విలువ వంటి అంశాలు బంగారం, వెండి ధరలపై తీవ్ర ప్రభావం చూపుతున్నాయి. పెట్టుబడులు పెట్టే ముందు మార్కెట్ నిపుణుల సలహా తీసుకోవడం మంచిదని ఆర్థిక విశ్లేషకులు సూచిస్తున్నారు.
– Qamar SD
🔴 తాజా వార్తలు, బ్రేకింగ్ అప్డేట్స్ కోసం మా వాట్సాప్ ఛానల్లో వెంటనే చేరండి!