వాస్తవ నేస్తం,వెబ్ డెస్క్: కేంద్ర బడ్జెట్ సమయానికి లొచ్చిన చర్చలు దేశవ్యాప్తంగా చర్చలు మొదలుపెట్టాయి. ముఖ్యంగా ధనవంతులపై అదనపు సర్చార్జ్ లేదా వెల్త్ టాక్స్ (సంపద పన్ను) విధించాలనే ప్రతిపాదనలు ఆర్థిక నిపుణుల దృష్టిలోనూ, మీడియా చర్చల్లోనూ ఎక్కువగా వినిపిస్తున్నాయి.
ప్రస్తుత సర్ఛార్జ్ విధానం
ప్రస్తుత నిబంధనల ప్రకారం ఏడాదికి ₹50 లక్షల కంటే ఎక్కువ ఆదాయం ఉన్నవారికి ప్రాధమిక పన్నుతో పాటు అదనంగా సర్ఛార్జ్ విధించబడుతుంది.
| ఆదాయం | సర్ఛార్జ్ శాతం |
|---|---|
| ₹50 లక్షల – ₹1 కోటి | 10% |
| ₹1 కోటి – ₹2 కోట్లు | 15% |
| ₹2 కోట్లు – ₹5 కోట్లు | 25% |
| ₹5 కోట్లు దాటితే | కొత్త పద్ధతిలో 25%, పాత పద్ధతిలో 37% |
అదనపు పన్నులు పెరగడం వల్ల వచ్చే ఇబ్బందులు
PwC నిపుణుడు అమిత్ రాణా ప్రకారం, పన్నులు ఎక్కువైనప్పుడు పెట్టుబడిదారులు తక్కువ పన్నులు ఉండే దేశాలకు వెళ్ళే అవకాశం ఉంది. అధిక ఆదాయం ఉన్నవారే కొత్త కంపెనీలు పెట్టి ఉద్యోగ అవకాశాలను సృష్టిస్తారు. వారిని ఇబ్బంది పెడితే దేశ ఆర్థిక వృద్ధి దెబ్బతినే ప్రమాదం ఉంది.
వెల్త్ టాక్స్ అవసరమా.?
2015లో వెల్త్ టాక్స్ రద్దు చేయబడింది. దీనికి కారణం:
- తక్కువ ఆదాయం
- అధిక పేపర్ వర్క్ & నిర్వహణ ఖర్చు
- ఆస్తుల విలువ లెక్కించడం సంక్లిష్టం (బంగారం, షేర్లు, ఆస్తులు)
EY నిపుణులు సురభి మార్వా సూచన ప్రకారం, ప్రస్తుత సర్ఛార్జ్ విధానం సులభం మరియు ఫలితవంతంగా ఉంది.
మార్పులు అవసరమా.?
డెలాయిట్ నిపుణుడు అలోక్ అగర్వాల్ చెప్పారు: 2023లో అత్యధిక సర్ఛార్జ్ 37% → 25% కి తగ్గించబడింది. త్వరలో మరల సర్ఛార్జ్ పెంచడం కష్టం. కఠినమైన పన్నులు పెట్టుబడిదారులను దూరం చేస్తాయి.
Budget 2026: ఏమి చూడాలి.?
ఈ బడ్జెట్ ద్వారా ప్రభుత్వం మధ్యతరగతి మరియు ధనవంతుల మధ్య పన్ను సమతుల్యతను ఎలా కాపాడుతుందో వేచి చూడాలి.
- ధనవంతులపై కొత్త పన్నులు పెరగనుందా?
- పెట్టుబడులు దేశంలోనే కొనసాగిస్తారా?
- సర్ఛార్జ్ / వెల్త్ టాక్స్ పరిష్కారం ఎలా ఉంటుంది?
ప్రతి పెట్టుబడిదారుడు, ఆర్థిక విశ్లేషకులు ఈ బడ్జెట్ ఫలితాలను ఆసక్తిగా ఎదురుచూస్తున్నారు.
Author: QAMAR SD